logo box 450x250 apple nieuws

Sajelaire van 't jaor!

Tijdens de recente galazitting van CV De Sajelaire werden traditiegetrouw ook weer een aantal inwoners carnavalesk in de bloemen gezet. Dimpy Doornbos werd Sajelairinneke van 't jaor omdat ze al 3 x11 jaar de kleren voor de Sajelaire verzorgd. Hay de Vrank werd Sajelair van het jaar en de medewerkers van het Streekmuseum werden uitgeroepen tot Sajelploog van 't jaor, vanwege de bijdrage aan de cultuur van Aelse, het Aelserstout bier en de medewerking rond Gusjke. Foto en toelichting op de uitverkiezing, via meer.

Sajelair, Sajelairinneke en Sajelploog van”t jaor.
Auch dit jaor waore d’r versjillende luuj genomineerd. De oetreuping haet dit jaor plaatsgevonje op de galazitting.
Sajelploog woort ’t bestuur van ’t Streekmuseejum van Aelse. ’t Streekmuseejum besjtong 50 jaor. Die luuj van ’t Streekmuseejum tummere flink aan de waeg!
’t Bestuur van ’t streekmuseejum besteit oet Harie Dobbelstein, d´n Dobbele; ein van de oprichters 50 jaor geleeje. Harie is 25 jaor veurzitter van die klub! Sikretaris is Jan Pijpers; baeter bekend es Jan van Nelke van de Smeed. Guus van de Pjèter is penningmeister. Anger leede van ´t bestuur zeen: Harie van Rouvroye (van de lange veldwachter), Hugo Luijten, auwt sjeidsrechter oet de eredivisie, Willie Coumans, auwt gemeinteraodslid en Anita van Mulken oet Maes. Dat is de “harde kern” van ’t museejum.  Auch meister Gorissen zjèliger waor bestuurslid.  Dit bestuur kènt neet zonger de nwèdige vriewilligers. Ze höbbe 17 vriewilligers; die doon vanalles.
Gaeve rondjleidinge en num mèr op. Eedere zondigmiddig kènste dao terech veur ein geweldige rondjleiding!
Bie hun 50 jaorig bestaon haet de Kaetelemezieksjurie d’r  veur gezörg, dat d’r ein sjwan grwatte sjlek in de moostem geplaats is. Auch woorte d´r 2 middige gereigeld woo de luuj die kaome kieke trök ginge in de tied. Bekiekt de foto´s mèr ´ns.
“t Streekmuseejum haet Aelse op de kaart gezat! Prefisiat!

 


Sajelair van ’t jaor is Hay van de Vrank gewoore. In zien jong jaore waor Hay lid van de Sjtieve Prengel. Dat waor ein vrunjeklub, die jaore achterein mit de optoch in Aelse is mitging. Es die manne vertrokke vanoet de graasj bie Jos van de Meijer, dan hawwe ze meistal al ein flesj jonge klaore oet (soms waal tsjwè) Onger d’n optoch hawwe ze dan ’t grwatste plezeer! Die vrunj loupe neet mjè mit in de optoch.
Hay hilt paol en is nog eeder jaor debie es op zondigmiddig in Catsop vertrokke weurt. Hay haet in de beginjaore altied mitgedaon bie de Aelser Revue. Noe is hae ein stök röstiger gewoore. Hae geit waal nog eeder jaor nao de Gala zitting van de Sajelaire. Volgens zien dochter haet Hay nog gein ein galazitting gemis! Auch is hae eeder jaor vaste toesjouwer bie de Aelser Revue.

Sajelairinneke van ´t jaor is Dimphy van Doornbos gewoore. Dimphy is ein richtig Aelser maedje; gebaore en getaoge in Aelse. Ze haet saame mit Frèns ein paar jaor in Nuth gewoond, mèr dao höbbe ze ’t neet zwa lang volgehouwe. Ze waor blie, wie ze trök in Aelse (de van Mulkenstraot) waor.
Dimphy is van ’t begin aaf aan bie de Babbelaire. Vanaaf de start reigelde ze mit aan ´t Vrouwluujfruhshoppe. Ze speelt al jhèl väöl jao mit in de Aelser Revue en haet jhèl väöl kleijer veur dae Revue gemaak en beheerd. Wie Dimphy nog ein jonk bleumke waor, zörgde zie d’r al veur, dat de spelers van de Revue d’r good gekleid opsjtonge. Bie de tsjwèdde Revue, Sajeldolala bie ’t Trefpunt, verzörgde Dimphy al de kleijer. Onger de buun waore toen tsjwè kleidkamers; ein veur de mansluuj en ein veur de vrouwluuj. Sinne deeg toen mit. Wie Sinne zich oetdeeg hawwe ein paar van zien vrunj häöm alle kleijer verstaoke! Sinne ging in zien adamskostuum nao Dimphy om häör te vraoge woo zien kleijer waore! Ein gelök dat Dimphy väöl breurs haet en dus get gewend waor; anges koos ze zich wal ‘ns flink vesjrokke kenne höbbe
Bestuur van ’t Streekmuseejum; Hay en Dimphy van harte gefelisiteerd names de redaksie van de Sajelair; geer zeet good bezig. Gaot zwa door!

Laat reactieformulier zien
Voor het optimaal functioneren van deze website worden cookies op uw computer geplaatst. Daarbij worden geen persoonlijke gegevens opgeslagen.
Door op ‘Akkoord’ te klikken, accepteert u het plaatsen van cookies. Als u cookies weigert, kunt u de website gewoon blijven gebruiken maar dan werken de website of onderdelen daarvan mogelijk niet optimaal.