Resepsie nuut Gusjke

Op zaoterdig aovend 12 november 2011 haet de kaetelemezieksjurie hun nuut Gusjke gepresenteerd veur aanvang van ’t Aelser Leedjeskonkoer. Neemes minder es Abe Fredrix van de Kaolwaeg is ’t nuut Gusjke gewoore. Dat nuut Gusjke kent geer allemaol ein hèndje komme gaeve op kaetelemeziekdeensdig; hae hilt resepsie van 13.11 oer tot 15.11 oer bie Maria en Roger. (kaffee ’t Trefpunt)

Veer vertelle uch ‘ns get euver dat mènke. Abe is geine echte Aelser naam. Wie kump hae hieaan? Ziene opa Sjo dae voetbalde vreuger bie Haslou in ’t jhètste. Omdat hae zien haore sjus ’t zelfde kumpde es Abe Lenstra waor Sjo nao eine tied de Abe Lenstra van Haslou geneump. Zwa kump Abe aan ziene naam. Abe haet altied gooj zin; is gebaore op 22-12-2004 en voetbalt (uiteraard) bie Haslou bie de F6. Hae sjpeelt in de achterhoede. Abe zit op de Sint Augustinus sjwal in groep 3 bie juf  Ine. Abe haet neet zwa väöl hobbies; uiteraard voetbal en hae sjpeelt gaer mit ziene nintendo.

 

Abe geit van kleins aaf aan mit d’n grwatte optoch van de Sajelaire mit. Ziene pap Bart voetbalt op ’t veerde van Haslou. Dae geit auch al jaore mit d’n optoch mit en waal mit ’t auwt veerde.
De mam van Abe is Miranda Bouwens en kump oet Stein. Abe haet auch nog ein zösterke, Dide  die is 4 jaor.

Laat reactieformulier zien
Voor het optimaal functioneren van deze website worden cookies op uw computer geplaatst. Daarbij worden geen persoonlijke gegevens opgeslagen.
Door op ‘Akkoord’ te klikken, accepteert u het plaatsen van cookies. Als u cookies weigert, kunt u de website gewoon blijven gebruiken maar dan werken de website of onderdelen daarvan mogelijk niet optimaal.