Aelser Revue Jubilieumuitvoeringen
Op de foto baove: de cast van SajelTours, de Revue in 1980
Aelser Revue Jubileumoetveuringe op 30 sept. en 1 okt.
Zwa wie de meiste luuj waal al mitgekreege höbbe woor dit jaor de 44e Aelser Revue gespeeld. Om dit vastelaovendsjubileum neet zwamèr veurbie te laote gaon, zin d’r 2 jubileumveurstellinge gepland en waal op zaoterdig 30 september 19.30 oer en zondig 1 oktwabber 14.00 oer.
Beide veurstèllinge zin in ut Maaslandcentrum en staon in ut teike van 44 jaor Aelser Revue. De veurstelling zal bestaon oet sketches, zank, dans en meziek van de aafgelaupe 44 jaor Revue. De meiste nog in de bezètting zwa wie ze in de Revue gespeeld zeen woore.
Uiteraard zulle d’r tösjedoor anekdotes en hilarische momente van die 44 jaor in herinnering geroope waere, want die zin d’r in overvloed. De zaal en foyer zal mit väöl herrinneringe behange waere, dus auch veur de veurstelling zult geer uche tied omkriege door ens good te kieke nao foto’s en affiches oet de auw dwas.
Ut is waal nog effe jhèr ut eind september/ begin oktwabber is, mèr toch zou geer noe al kaertjes kènne reservere. Veer höbbe dit berich 2 waeke geleeje op FaceBook gezat en de reserveringe laupe bènne. Dus wilt geer gaer zeker zin van ein kaertje dan advisere veer uch alvas te reservere, via eine mail te stuure nao arcaelse@gmail.com .
Vermeld daobie uche naam, adres, tillefoonnummer en ut aantal kaertjes à €15 en veur welke datum en dan zult g’r in aug 2023 berich van os ontvange ivm ut aafhaole van de kaarte.
Geer kent auch de FaceBook pagina ⇢ van de Aelser Revue in de gate houwe veur info.
Dus bedènk uch neet te lang, want de kaarte zin beperkt, omdat v’r de zaal ruimer zulle opzette zwadat geer vanallerlei anger dènger van de 44 jaor Aelser Revue kent bezichtigge.
Alvas bedank en tot snel. Aelser Revue Comité