11 jaor 2Pees: nuuj cd

2Pees 11 jaor jònk
De 2Pees bestaon 11 jaar en om dit te viere organiseere zie eine jubileum-aovend op zaoterdig 8 jannewari 2011 in zaal De Dikke Stein in Aelse.
Op deeze aovend weurt de nuuj CD gepresenteert, die naeve een muzikaal euverzich van de aafgeloupe jaore auch ein aantal nuuj leedjes bevat. Ein van dees nuuj leedjes is gesjreeve en gearrangeerd door het alom bekènde duo Ben Erkens/Jo Deusings.  

Eine jubileum aovend is natuurlik neet kompleet zônger optraejes van anger artieste.
De 2Pees höbbe lang gezeuk en vööl aafwaeginge môtte maake, mae oeteindelik sjteit d’r ein programma, dat prima pas in hun beeld van sjpas en plezeer. Hieveur zin ze zelfs nao ’t boetlèndj gegange!

Op het affiche staon Wim en Lou oet Stein, welbekènd van hun leedjes mit whag mitzèng gehalte en whagge klasseringen op diverse LVK’s.

Auch van de partie is Richtig Rex (gebaore in Duitsland, mae woonèchtig in Gelaen). Al jaore ein fenomeen mit optraejes door ’t ganse lèndj, een echte ‘stimmungsmacher’.

Es oetsjmieter is het duo Domm en Dööl uit Kelmis op ‘t Bèlsj gestrikt. Bekènd van tillevisie (L1, WDR) en vanwaege hun prachtige outfits, energieke optraejes en hun aanstaekelijke melodieën. Eine primeur veur Aelse! Tösje al dit geweld zulle de 2Pees zich probeere staonde te hauwe en hunne CD presenteere, omloestert door anekdotes oet hun 11 jaorig bestaon.
Veur de presentatie van deeze aovend is eine ex-wethauwer aangetrokke, dae ondanks alle politieke beslommeringe altied tied haet gehad om het wel en wee van het duo te volgen en dus oetermate gesjik is om ein en anger in gooij baane te leije.

Es geer zin höb in eine gezellige, humoristiese en muzikale aovend, kom dan op zaoterdig 8 januari nao Café de Dikke Stein, Julianastraot 3 in Aelse. ’t Begint om 20.30 oer. Entree is gratis en eederein is van harte welkom. Uch aanwezigheid weurt zjèr op pries gestèld.

Veur mjae info: www.2pees.tk

Laat reactieformulier zien
Voor het optimaal functioneren van deze website worden cookies op uw computer geplaatst. Daarbij worden geen persoonlijke gegevens opgeslagen.
Door op ‘Akkoord’ te klikken, accepteert u het plaatsen van cookies. Als u cookies weigert, kunt u de website gewoon blijven gebruiken maar dan werken de website of onderdelen daarvan mogelijk niet optimaal.