Wo bèste toch gebleeve  
Mien dörpke aan de Maas
Mit en mit, get weggedreeve
Versjlak, wie bloome in ein vaas  

Aelse, dao is väöl goods vergange
bès grwètsj op alles watste höbs
wat weg is, dat kènste neet vervange
de mis gèt, este door oos dörpke löps

(Elsloo-Op de Berg | foto Fons Verhoeve) 

Harrie van Jentrien, Jannes de Bèkker
Nao Jos van Hees, veur eine contrasjtekker
D’n Aolber, Edelweiss en Thei d’n Hans
En op zaoterdig nao Rave, veur gèt sjans

Lies van Sjteps, mit ein kar vol ies
Nik de Vônk haet weer de jètste pries
Kwab geit flatte sjpreije in de wei
En den Heiboer, dae zag altied nei

Pieke den Til, huit naegel in dien sjeun
Frits, dae pienzeld alles greun
Bouts, mit jhèrring in ‘t zoer
Kiek dao, kump Tjeu de kaoleboer.

Sjèng de Meijer, mit zien aktetesj
Bernhard mit mânjele veur de wesj
Frit van Jordans op tèijere van de Rut
Jônge jônge jônge wat is ‘t noe toch…

Aelse wo bèste toch gebleve…..
Mien dörpke aan de Maas
Mit en mit, get weggedreeve
Versjlak, wie bloome in ein vaas

Aelse, dao is väöl goods vergange
bès grwètsj op alles watste höbs
wat weg is, dat kènste neet vervange
de mis gèt, este door oos dörpke löps

Ben van Frens deit naegelkes in ein envelöpke
En burgemeister Meijer dae drunk zich nog ein dröpke
Dao höbste Harrie van Sjteps mit blik en vaeger
En dao opa Hansse mit 6 kiste op d’n draeger

(vlnr opa Hanssen, opa Drent en opa Janssen)

Pestwar Bertin maak ein kruus en kik nao baove
Tjeu d’n Taaiman sjuuf ein plaat kedètjes in d’n aove
Jozef van de Meule rammelt mit glaze flesje in iezere kratte
En Loewie van Sjrwèrs verköp badingge en latte  

Wo bèste toch gebleeve
Mien dörpke aan de Maas
Mit en mit, get weggedreeve
Versjlak, wie bloome in ein vaas

Aelse, dao is väöl goods vergange
bès grwètsj op alles watste höbs
wat weg is, dat kènste neet vervange
de mis gèt, este door oos dörpke löps

Willie Sjteps zaot toen al in ‘t zaot
En Sjef de Palm dae zaot al in de raod
De Mint in Catsop veur eine liter petrol of nuuj käökegerei
En d’n Heiboer dae zaet nwats mjè nei

Nao An van de Vonk veur ein bölke wol of ein klöske gare
Allemaol herinneringe die ver motte beware
De prosessie ging euver paetjes van gekleurde zèndj
Wo bèste toch gebleve mien deerbaar Aelser lèndj….  

Wo bèste toch gebleeve
Mien dörpke aan de Maas
Mit en mit, get weggedreeve
Versjlak, wie bloome in ein vaas

Aelse, dao is väöl goods vergange
bès grwètsj op alles watste höbs
wat weg is, dat kènste neet vervange
de mis gèt, este door oos dörpke löps

Wètste nog dat Jan de Not nog sjeun lapde
en Wies van Willemke ein pilske tapde
en Henk van Sjtaeves 50 jaor gelèèje op de pendale trapde
en Don Camillo nog zônger helm op de Solex sjtapde

Wètste nog dat ver biej Gus van de Pieper de appele gapde
en Gus ôs dan in de kraag sjnapde
en meister Pesch mich mit sjpieke betrapde
en de tillevisies nog neet zapde

Wo bèste toch gebleeve
Mien dörpke aan de Maas
Mit en mit, get weggedreeve
Versjlak, wie bloome in ein vaas

Aelse, dao is väöl goods vergange
bès grwètsj op alles watste höbs
wat weg is, dat kènste neet vervange
de mis gèt, este door oos dörpke löps

Wètste nog dat Mia van Waube de luuj nog kapde
en boer Dols in 't aerpeleveldj dabde
en opa 't kachelhout kapde
en de vösje in de Maas nog hapde

Wètste nog dat Tjeu d'n Taaiman nog Berliner bolde en appelflapde
en veer op de Cauberg veur Sjefke Janse klapde
en dat eine wethouwer neet opsjtapde
toen jao, toen waor 't dat ich nog gèt van gemeintepolitiek sjnapde